落選港姐隔空開火還擊TVB，畀爆「黑面」之謎！

香港小姐一向系美貌與智慧并重，近年嘅港姐仲多咗份「特技」，好似冠軍級馮盈盈，唔出聲樣靚身材正，一出聲MK味出曬嚟，不過憑其「依牙松弶」講嘢特技，成功擔起港姐司儀之位，而做佢拍檔嘅麥明詩亦「特技」非凡，勝喺夠膽色，除自揭遭性侵，仲夠膽寸鄭裕玲，超越膽生毛界線。

但系正所謂青出于藍，佢哋嘅師妹，今年嘅落選港姐現年25歲中日混血兒工藤佑采，亦擁有出色「特技」，于決賽中段已經畀淘汰但仍要跳舞助興，全晚黑面演出，雖然冇任何獎，但佢黑面「神技」竟然成功吸納粉絲，歌手張敬軒就系第一個畀俘虜，將自己嘅社交網頭像換上工藤佑采。并掀起一股黑面熱潮，藝人飯聚都爭住要黑面影相。

個個都扮工藤嘅時候，其實佢黑面系噉樣練成嘅。工藤身世坎坷，參選時曾稱父母雙亡，查實生父未死，工藤佑采原名大谷美樹，日籍老竇嚟港工嗰陣，識工藤媽媽孫秀蕓，誕下佢之后，就拋妻棄女返回日本，自此冇聯絡。當時工藤先系十個月大的手抱BB。

據2009年一宗撞車新聞揭露。，49歲孫秀蕓撞車身亡，遺下16歲女大谷美樹，工藤自此開始無父無母獨自生活，以兼職做模特兒維生同繼續讀大學，磨練出超凡堅強個性！

據傳媒所講，工藤佑采畀TVB高層批評「黑面」、「比賽hea彈」，系因為有TVB工作人員指好心提醒工藤佑采「不如唔好拉小提琴」，及后慘被工藤佑采「黑口黑面」回應。

昨日工藤佑采就喺其個人Instagram上繼續爆Seed，反駁不實傳聞。佢喺文中表示才藝表演一環，其實佢原本系提議打泰拳嘅，只系大會認為泰拳唔夠「斯文」而拒絕咗，再后先要求工藤佑采以拉小提琴作為才藝表演。

而對于有報道指，有TVB工作人員懷疑工藤佑采喺Big Big Channel Live中多心心系奇怪嘅現象，工藤佑采就回應話，自己其實每日都有努力開Live，更加為此買咗部新手機做直播，更以10號李芷睛做例子，「粉絲六百幾人丶心心都二百萬丶我只不過系170幾萬」嚟解釋。

工藤佑采最后更解釋話，自己如果冇心機參賽就唔會日日都開直播，又謂「人在做天在看」，疑似因為不甘畀抹黑而公開向TVB作出挑戰，「女皇」名號真系唔系「浪得虛名」。