日前，TVB藝人阮兒就趁返鄉下荷蘭探親嘅時候，轉機時就順便到迪拜一游，完全系隨心所欲，話走就走嘅節奏吖！原來呢次更加系佢首次單獨去一個陌生嘅國度，不過一路獨立嘅佢就表示其實事前都有做好資料嘅搜集，已經有所準備。
不過一個女仔去到陌生嘅地方，始終都系比較危險，至於當地嘅治安，佢就表示話：“當地有啲的士系粉紅色車頂，專門畀女士坐嘅，因為系女司機，所以真系好安全。我都系第一次獨自去旅行，覺得好刺激，人一世物一世，點都要試下一個人去旅行嘅。” 
但系睇返阮兒嘅社交網站，只見佢喺沙漠中拍攝咗唔少嘅靚相，唔少網友都表示疑惑“真系一個人去啊？”甚至仲有留言直指該輯估計系男友衛志豪親自操刀。唔知大家又點睇呢？ 
原來阮兒就系傳說中嘅“自拍之王”，的確所有嘅相全系佢自己一手搞掂，佢話：“無人幫我拍，系我攞腳架相機同電話自己擺位自拍啫，冇辦法啦，想呃下like，但其實主要唔影相，系拍片，拍咗好多條片，都仲未得閑剪片，到時剪好片都會上網分享畀大家。唔會叫男友幫手，我自己會剪，只系冇時間咋。” 
咁講到阮兒，1987年生嘅佢系中越混血兒，后來喺2006年嘅時候，曾經參加過香港小姐競選，雖然遺憾落選，但系獲得賞識嘅佢，喺第21期藝員訓練班畢業嗰陣就加入到TVB，開始發展其演藝事業。 
期間，佢都參與拍攝咗唔少嘅電視劇集作品，譬如《同事三分親》、《銀樓金粉》、《珠光寶氣》、《畢打自己人》、《碧血鹽梟》、《讀心神探》、《法證先鋒3》、《使徒行者》、《幕後玩家》、《同盟》、《BB來了》、《兄弟》等。 
后來，都憑借《愛·回家》中嘅“Pinky”一角而備受關心，畀觀眾留低咗深刻嘅印象。而佢喺2016年嘅時候，就首度同張名雅、陳芷尤與及周麗欣一同獲得《萬千星輝頒獎典禮2016》“最受歡迎劇集搭檔”嘅提名，都系對佢哋演技演出同默契度嘅認可。 
據悉，喺跟住落嚟嘅TVB新劇《金宵大廈》、《十八年后的終極告白》中阮兒均有份出演，唔知到時佢又會畀我哋帶嚟點精彩噶演出呢？大家不妨一齊拭目以待！
Like MisshkNews Facebook！不出门也能知天下事～
