落選港姐陳潔玲（Christy），不嬲以魔鬼身材加天使面孔見稱，從2012年參選港姐出道到而家，一直深受廣大宅男粉絲歡喜同支持，更加享有「翻版陳妍希」之稱號。
不過，2017年嗰陣陳潔玲突然間宣布約滿離巢，之後就轉行投資開派對餐廳，升呢做事頭婆。
呢排，陳潔玲接受專訪，重提當年落選港姐之後仲獲邀簽約TVB，佢表示好感激。不過，對于外界指佢離巢原因嘅係畀TVB投閑置散，陳潔玲就坦言并冇埋怨。
據悉，陳潔玲當時憑住參演處境劇《愛回家》成功上位，繼而又畀安排主持《3日2夜》，憑住驕人身材大獲關注，人氣同知名度大大提升。
不過直到今日再重提離開TVB，陳潔玲坦言無後悔，反而好慶幸自己當初嘅毅然同勇敢，佢又都唔避忌話：「今時今日畀TVB解約都算係一件幸運事，因為喺TVB做嘢真係會畀人笑」
傾到宜家靠兩間派對餐廳收入不菲，陳潔玲又自爆其實當年喺離開TVB前半年，就已經開始呢門生意，不過當時嘅佢純粹當做興趣投資，因為好玩同開心，并無諗太多規劃。
陳潔玲仲話：「雖然舖頭有請人，但我都會親力親為，Party Room入面所有傢俬、廚具同裝飾都係我自己買，搬嘢、換光管都係我自己做番，所以呢排都好忙，唔辛苦邊得世間財。」
Like MisshkNews Facebook！不出门也能知天下事～
