落選港姐為TVB效力36年，宜家結束賓主關係稱…

從細鐘意睇TVB節目嘅觀眾，一定會對現年59歲嘅「落選港姐」韓毓霞有印象，佢作為TVB殿堂級嘅體育節目主持人，佢就喺本月約滿離巢，正式同TVB結束36年嘅賓主關係。

據悉，韓毓霞好耐冇收到TVB安排工作，所以心灰意冷決定離巢TVB，韓毓霞喺1984年加盟TVB，之后佢就開始主持體育節目，隨著前年TVB解散咗體育組，韓毓霞也開始畀TVB投閑置散。

1979年韓毓霞參加當年嘅香港小姐選舉，遺憾最後落選港姐，之後佢加入TVB電視司儀訓練班，一年后仲讀書嘅佢開始加入TVB做主持，佢主持節目《體育世界》一直到2017年。

喺主持《體育世界》節目嘅三十幾年中，韓毓霞采訪過7次奧運會直播工作，而韓毓霞更加係有「體壇譚玉瑛」之稱，形象深入人心。

而喺前年TVB將節目《體育世界》結束，將體育組解散之后，韓毓霞獲得安排客串劇集《BB來了》以及客串咗兩集處境劇《愛回家之開心速遞》。

最近，記者問到韓毓霞對于TVB過去大半年，唔安排工作呢件事。佢表示：「好無奈，唔係唔畀，而家冇體育唔知畀乜節目，對于之前TVB會安排我拍劇，我自己都唔係好想接。」

韓毓霞仲表示：「自己確實算係資深藝人，每次簽約都要加5%、10%，對公司嚟講都好大負擔，而唔係戲劇出身嘅自己，好多時候唯有做一啲茄哩啡，對公司資源嚟講係一種浪費。」

韓毓霞更表示，自己都唔會轉行，喺娛樂圈呢部分我會選擇退休，而朋友可能會搵佢一齊合份開公司，但而家仲係一個休息嘅狀態。

現年已經59歲嘅韓毓霞，確實到咗可以退休休息嘅年紀，希望佢之後生活順利幸福，多謝韓毓霞咁多年嚟送畀我哋嘅精彩主持。