TVB除咗擅長拍攝各類警匪、醫療電視劇之外，喺綜藝節目上都有一定吸引力。有九年歷史嘅TVB長壽節目《姊妹淘》，今年7月革新推出第四輯。
《姊妹淘》主持班底除咗元老級莊思敏之外，仲有上一輯已經加入嘅落選港姐蔡嘉欣同新晉宅男女神陳詩欣，再加上IG女神曾淑雅同傅嘉莉等人，清一色都係美女主持人。
不過女人多自然是非多，一班女主持面同心不和，被指上位快過港姐三甲嘅蔡嘉欣，成功殺入《姊妹淘》不斷霸頭位搶對白。
《姊妹淘》試過有一集講美腿準則，蔡嘉欣為咗突顯自己高人一等，佢同幾位女主持喺鏡頭前斗腳長，隨即馬上笑其他女主持腳短，目中無人犯眾憎。
唔理點樣，梗係希望蔡嘉欣早日畀我哋帶嚟多啲精彩噶演出，期待佢嘅表演！
Like MisshkNews Facebook！不出门也能知天下事～
