TVB力捧小生王浩信近年嚟緋聞多多，早前傳與同劇女拍檔喺VIP房單獨打邊爐，最后同老婆陳自瑤一齊現身活動，平息婚變風波。不過桃花極旺的王浩信一波未平，一波又起，拍《溏心3》被傳和同劇女演員關系甚密，擁有36E上圍、26歲港姐出身的陳偉琪。男方就表示唔識呢個女演員，重叫人唔好傷害佢。
不過只怕呢件事系媒體亂寫，日前下午4點左右，陳偉琪喺滑浪勝地大浪灣現身，當時一身熱褲小背心的佢喺沙灣茶座一路聽歌，一邊吃沙律同椰子青，相當悠閑。去到沙灘都冇換泳衣，只見佢只睇大海。大概半個鐘之后，睇到一名手持滑浪板、一身紋身的男子慢慢行去陳偉琪身邊坐低。佢哋交談咗幾句之后，男方就開始玩手機，仲同身邊的陳偉琪分享，只見到佢笑得好開心。
佢哋逗留咗大概半個鐘之后，就一齊走，臨走前男子仲同身邊的人打招呼。唔怪得陳偉琪急住澄清啦！原來系唔想身邊的人誤會。
陳偉琪參加過溫哥華華裔小姐競選同國際中小姐，也系13年的港姐候選的佳麗之一，當年佢對手就有陳凱琳、蔡思貝同劉佩玥，仲有三甲不入的劉溫馨、歐陽巧瑩、朱智賢、張敬仁等。
不過，當年除咗大熱門陳凱琳之外，陳偉琪也可算系話題人物之一，話說當年大會搞全民投票，賽制系觀眾透過指定手機應用程序投票同大會評判評分，各霸百分之五十，所以指自己甚少朋友喺香港的陳偉琪，已經多次聲稱會叫親戚朋友投票，喺決賽前夕，更有一名自稱系陳偉琪契爺Eddie的男士去信報館，叫所有人投佢一票。
其后陳偉琪承認契爺叫Eddie，佢話：“拉票好正常，我屋企人都有叫人投票，我諗佢唔會做噉嘅事，可能有人假冒佢，佢唔會用呢個方法噉做，而且我絕對冇叫人噉做，都唔需要呢樣去拉票。”可惜，結果陳偉琪喺觀眾投票得分上，只系十強佳麗中，霸到5.58%，夾埋大會評判評分，最后陳偉琪排喺第5位，未能當選。
隨后陳偉琪加入咗無線藝員訓練班，因為佢甜美笑容，畀稱為“翻版陳妍希”。仲因為佢身材好好，獲得咗無線新一代“咪神”的稱號。
陳偉琪參演的劇集戲份都唔多，佢喺《愛回家之八點入席》中飾演名模CoCo，常以低胸裙曬深長事業線，36E“胸器”，令劇集平均收視升至28點。至於喺熱播的《幕后玩家》中，佢就喺其中一幕偕劉佩玥灌醉張繼聰。
喺新劇《溏心風暴3》中，陳偉琪仲會同黃宗澤上演激情戲，佢做足安全措施放膽上陣，相當敬業。
喺綜藝節目更吸引目光。喺旅游節目《3日2夜》中，陳偉琪就以最強“胸”器同陳庭欣、朱智賢、范文雅挑戰水上游戲。佢仲因主持《明珠生活》、《Go！Yama Girl》、《超強選擇1分鐘》等節目受到贊賞。
陳偉琪喺主持的節目有聲有色，希望媒體多報道佢正面新聞啦！
Like MisshkNews Facebook！不出门也能知天下事～
