落選港姐宣佈離巢專心做人妻，喺屋企做網紅收入比TVB高

2012年落選港姐陳華鑫（Gloria）入行7年，拍攝過《幕後玩家》、《溏心風暴3》、《降魔的》、《城寨英雄》、《十二傳說》等劇集，但都只係飾演花瓶角色，演技冇辦法發揮。

陳華鑫舊年嫁圈外老公周國榮并生落個女，今日佢喺社交平臺宣布離開TVB，專心做好老婆同媽咪嘅角色。

陳華鑫發文話：“原諒我靜英英離開，只係換咗另一個方式見大家啫，多謝TVB七年嚟畀我嘅一切。”網友都留言祝福佢加油。

離巢之後嘅陳華鑫，其實一早已經鋪路轉型，留言話：我之後會主力湊女同做親子KOL，暫時都係接網上工作比較多。

記者問到收入方面同TVB打工嗰陣相比呢？，陳華鑫話其實收入比TVB收入仲多，最緊要係時間都幾有彈性，自己可以打理好家庭大小事，再抽時間寫嘢同大家分享。