舊年TVB走咗呢幾位實力花旦小生，網友話唔舍得，好想再睇佢哋拍劇

演藝圈向來都系淘汰率好快嘅行業，過去一年TVB就有唔少藝人相繼離巢，宣布唔再續約或者北上撈金，真系好可惜。

當中有人選擇以第二啲方法同TVB繼續合作，有人就北上發展撈金，有人就選擇以家庭為重。不過無論如何，鐘意睇電視嘅你，必定對此有所不舍。

貴為三屆視帝嘅郭晉安，多年嚟拍落唔少膾炙人口嘅劇集如《戇夫成龍》、《阿旺新傳》同近年嘅《忠奸人》等，形象好正面。

不過2018年5月合約到期后，安仔就揀轉投王祖藍嘅公司旗下，但就同TVB轉簽部頭約，承諾年年都會回巢拍一部戲。

其實這并唔系安仔第一次離巢，佢亦曾喺1996年至1998年之間短暫離開TVB，其后回歸TVB后更加系發展得越嚟越好。

畀網民推舉為「民選視后」嘅鐘嘉欣，多年嚟深受觀眾歡迎，皆因佢清純嘅外表同日益精湛嘅演技。

但自從2016年公布婚訊之后，就轉而將重心放返家庭上面，甚少喺公開場合出現。

曾經參選1992年香港小姐嘅郭少蕓，曾經喺2001年離開過TVB，轉而投資餐廳生意。

不過喺2005年就重回TVB發展，并喺處境劇《愛·回家》飾演嘅馬柔一角贏得一眾好評與口碑。 佢演技好，系人都知，可惜一直都系飾演配角，心淡之余唯有離開TVB，北上拍攝電影同網絡劇集。

岑麗香向來喺TVB發展唔錯，其笑容甜美，更被網民封為「香香公主」。

喺2016就同圈外男友強強喺加拿大完婚之后，今年六月宣布解約TVB，7月宣布轉投王祖藍旗下。