58歲香港著名填詞人潘源畀爆本月22日與比佢后生17歲嘅加拿大女友Rita喺多倫多一間教堂舉行婚禮。今日有傳媒致電潘源良，證實咗結婚呢一喜訊！
據悉新娘子Rita喺多倫多長大，系一個跨媒體藝術工作中，曾修讀廣告美術指導，喺大學畢業之后去香港做嘢，從而結識咗潘源良。多才多藝嘅Rita曾以筆名「古惑貓」涉足設計、插畫同音樂界，仲與謝安琪、趙學而、劉以達等音樂創作人、歌手合作過。 
雖然婚禮比較簡單，但系以基督教儀式進行，唔少親友專登由香港飛往多倫多祝福一對新人。
最特別系婚禮主圖案就以大家緊靠嘅一只貓同一個足球代表一對新人。
由于新人都熱愛音樂，新娘更加系婚禮上獻唱自己嘅作品，成個婚禮都洋溢浪漫嘅旋律，相當甜蜜！
講起潘源良，最令人印象深刻嘅莫過於同李麗珍自1986年起嘅四合四離，兩人結緣于《拍拖季節》，之后拍拖長達30年。2015年潘源良仲高調示愛李麗珍越嚟越靚，不過一年后，兩個人就對外宣布緣份已盡。
今日潘源良宣布喺多倫多再婚，同樣居住喺加拿大嘅李麗珍畀問及有咩睇法時，卻畀告知“唔回應”，睇嚟當年兩人愛得熾烈，卻都傷害最深！
Like MisshkNews Facebook！不出门也能知天下事～
