自認靠老婆發達！TVB人氣小生坦言身家無法超越岳父

日前，TVB人氣小生黎諾懿接受媒體專訪，期間談及自從4年前迎娶富家千金結婚以嚟，一直畀外界指“食軟飯”、“靠老婆”等負評，黎諾懿大方直認，自己系“靠老婆”發達，結婚之后嘅演藝事業先順風順水。

事關，一路篤信風水玄學嘅佢，認為老婆命格旺夫，所以而家擁有嘅一切都應得益于老婆。

而喺舊年，黎諾懿確實憑劇集《BB來了》爆紅，佢喺劇中演初哥爸爸角色，演繹到自然又生鬼，唔少觀眾都表示好貼地，令佢演技好評不斷，成功彈起。

據悉，黎諾懿與太太李潔瑩于2014年結婚，由于老婆嘅家庭好富裕，黎諾懿結婚之后就畀媒體冠以「五億駙馬」之名，一直到而家。

結婚之后，黎諾懿坦言對老婆千依百順，老婆亦為佢誕下一子，一家三口生活好開心。

傾到夫妻之間嘅相處之道，黎諾懿坦承自己喺屋企冇話事權，佢話：“冇所謂啦呢啲，如果夫妻有矛盾，最終都系老公笠翻老婆，娶佢返來就應該錫佢。

我老婆好多野都可以處理到，尤其小朋友讀書問題，我又冇讀過咩書，而佢又讀過好多書，當然系佢嚟負責，而我只系負責接送，只要有需要我就會出場，我只有一個要求，唔好讓個仔做咁多功課，我希望佢有一個快樂嘅童年。”

都話相處好同住難，就算系兩夫妻，當真正生活喺埋一齊，都少不免有分歧嘅時候，問到結婚以來，有無試過同老婆嗌交？黎諾懿連隨表示冇，佢又笑贊自己好識處理夫妻關系：“但凡多忍讓，將大事化小，小事化無就得嘞。”

而面對咁多年嚟外界嘅負評，黎諾懿直言唔介意，并表示自己從來都唔系好鐘意解釋嘅人：”我唔會解釋咁多，費事越描越黑，橫掂屋企人知道我系度做緊咩就好啦，我會努力以行動講畀大家聽我系度做緊咩。

當然短時間內，我系絕對冇可能超過我岳父嘅身家，但系我都可以將老婆同仔仔睇得好好，起碼畀佢哋過得安穩，柴米無憂。