自爆囡囡好鐘意香港，女神鐘嘉欣笑言：佢好似「好彩妹」！

日前，已經好少亮相嘅藝人鐘嘉欣，就以一身粉色嘅亮片裙出席活動，今次佢已經逗留喺香港一個月嘅時間，更加系佢成為人母後喺香港最長嘅一次。

不過今次佢返香港，除咗與一眾好朋友敘舊之外，亦參與MV嘅攝影，同時佢都透露囡囡好鐘意香港。

至於會唔會因此而考慮搬返香港長居，佢就回應：「同老公都有傾過，覺得仔女都適應到香港天氣，但我最開心囡囡喺香港學到好多中文，最近九成都系講中文，喺溫哥華佢百份百講英文。（越嚟越似你？）系，佢好多表情，好似《搜神傳》里面嗰個好彩妹。」

但系佢就表示，因為老公系脊醫，加埋語言障礙，因此留港都有一定嘅困難，佢話：「因為老公唔識講廣東話，仲有佢好鐘意而家嘅職業，就算返嚟佢都會繼續做脊醫，佢好鐘意幫人睇病。」

而呢次嘅活動現場仲有漫威嘅「星爵」Chris Pratt，鐘嘉欣就笑說：「都有睇佢嘅戲，但冇睇完，做咗媽咪之後都少咗睇戲，我好多朋友知道我做呢個活動都好羨慕，好妒忌。」

1984年出世嘅鐘嘉欣，喺加拿大溫哥華長大，同大多數藝人一樣，佢都系選美出身，透過參加《2004年度國際華裔小姐》奪得冠軍而備受賞識嘅佢，喺選美結束之後就進入到TVB，觀眾緣甚好嘅佢，更加系火速上位，成為TVB嘅當家花旦。

期間，佢都曾經參加過唔少膾炙人口嘅作品，比如《皆大歡喜》、《人生馬戲團》、《法證先鋒》、《溏心風暴》、《金石良緣》、《搜神傳》、《珠光寶氣》、《公主嫁到》、《缺宅男女》、《護花危情》、《警犬巴打》等。

雖然而家鐘嘉欣已經離開咗TVB，不過佢所拍攝嘅新劇《哪吒與楊戩》仍未播出，期待佢跟住畀我哋帶嚟嘅精彩演出。