自爆人財兩失！「TVB童星」自認好蠢：我唔識帶眼識人

今日，「TVB童星」劉美君現身九龍灣，為出席ViuTV游戲節目《估你唔到》擔任嘉賓，同場亮相嘅仲有藝人郭偉亮。受訪嘅時候，劉美君笑言佢哋呢對系呢個節目嘅第一集嘉賓，所以都未知節目玩法，又氣勢十足攪笑謂：「唔Like就走。」

劉美君指，節目中要估人哋嘅職業，佢馬上直言自己好蠢，容易被人呃，唔識帶眼識人！問到俾人呃到最慘嘅經歷？劉美君就感慨，自己喺錢同感情方面都曾經受過傷。

佢話：「兩樣都傷，但唔想冇咗一個從細識到大嘅朋友，結果又Friend，我覺得感情重要過一切，人一定會有錯過，可以重新嚟過，我都會大方包容嘅！我同所有前度都可以做朋友。（會唔會警惕自己小心啲呀？）會，但如果咩都防范住嘅話，又會錯過美好嘅過程，明明可以開心都會變得唔開心。」

據悉，現年已經55歲嘅劉美君原名叫做劉頌儀，佢最早喺8歲嗰年就開始以童星身份出道，接拍廣告同電視劇，相信粉絲或多或少有印象。

劉美君讀完中學就走咗去電影公司擔任制片，當年后生細女佢原本前途無限，點知道就喺18歲嗰年突然間宣布與導演黃泰來結婚，結婚之後并為老公誕下一對仔女，劉美君系香港娛樂圈中，為數唔多嘅早婚女星之一。

1986年，結咗婚4年嘅劉美君憑電影作品《靚妹仔》一炮而紅，聲名大噪，同年佢又乘勝追擊成功推出個人專輯《劉美君》，銷量成績亦十分驕人，當年嘅劉美君真系紅極一時，風頭一時無兩。

直1992年，劉美君宣布與黃泰來離婚，并于2002年喺好友林憶蓮介紹下認識咗第二任老公，二婚之後劉美君跟隨老公定居喺美國生活，并再為老公誕下一名女嬰。

可惜時隔6年，劉美君又對外宣布與第二任老公離婚嘅消息，2014年，劉美君個仔升呢做老竇，而時年50歲嘅劉美君正式升呢做奶奶。