結婚六週年，陳茵媺等足陳豪五個鐘毫無怨言，不愧係模范夫妻！

前日（6月11日）係陳豪同陳茵媺結婚6週年紀念日，日前陳豪喺土耳其拍攝節目，之後趕返香港同太太慶祝6週年紀念日，兩個人一直恩愛甜蜜，同三個仔女組成幸福五口之家。

陳茵媺亦悉心打扮前往機場接機，畀個老公一個驚喜，卻發生一段小插曲。

原來陳豪嘅航機比原定時間延誤咗五個鐘，等到定曬形嘅陳茵媺唯有擦唇膏自娛自樂。

當見到個老公出現，陳茵媺開心到同陳豪攬攬自拍，表現恩愛。

雖然延誤咗慶祝結婚紀念日，但系只要兩公婆喺一齊，相信陳豪同陳茵媺今年嘅結婚週年依舊甜蜜蜜。