呢排，TVB嘅新劇《大醬園》正在拍攝中，而因為天時暑熱，加埋劇情牽涉到制作醬油嘅工序，因此演員們都要經常出外景，喺如此酷熱嘅天氣，普通人都宜得一直匿喺冷氣房中，更加唔好講演員要著上古裝喺室外拍攝。
而TVB花旦朱晨麗今次喺劇中擔正做女主角，為咗畀觀眾帶嚟最真實嘅演出，親力親為冒住太陽洗醬油缸，不過隨著天氣越嚟越熱，加埋連日嚟拍劇休息唔夠，朱晨麗喺拍攝外景嗰陣突然間休克暈倒，嚇親在場嘅同事。 
事後，經過工作人員為擦風油精之後，朱晨麗慢慢清醒過嚟，原來佢喺焗親前已經覺得有啲不適，不過為咗唔影響拍攝程序，諗住頂一下但點知道突然間暈咗。
佢話：「以前我好似隻牛咁捱得，但系今年天氣特別熱，加埋呢三年自己除咗拍劇，真系冇點放過假，近期都發現身體的確弱咗好多，而當日又冇咩訓過，結果搞到曬一曬就即場暈咗。」
朱晨麗唔小心暈倒同時驚動咗監制梁材遠，兼夾仲特登前來慰問，朱晨麗顯得唔好意思話：「估唔到搞到咁大陣仗，其實呢套劇大家合作得好開心，有時趕戲好辛苦，一眾女演員好似我同楊卓娜噉，會排隊按摩，同大家減壓，之前又寓工于娛樂齊齊包糭應節，真系好有愛。」
1987年出世嘅朱晨麗同大多數藝人一樣，都系通過選美入行，16歲因為突出嘅表現而獲得香港演藝學院嘅邀請赴港就讀舞藝術系，主修芭蕾舞嘅佢因為學習成績優秀，畢業之後就獲得咗芭蕾舞團嘅賞識，然後成為一個專業嘅舞者。
后來喺2011年嘅時候，朱晨麗參加咗《香港小姐競選》，畀封為「翻版陳法拉」嘅佢，喺賽前就已經成為咗港姐冠軍嘅大熱門，一直過關斬將嘅佢喺總決賽嗰晚，更加系眾望所歸成功奪得咗港姐冠軍嘅寶座。
而佢喺選美結束之後就進入到TVB，正式發展其演藝事業，而備受公司力捧嘅佢更加喺多部劇集中擔任主要角色，佢仲憑借《超時空男臣》中飾演嘅「方惠玲」而奪得咗《萬千星輝頒獎典禮2017》嘅「最佳女配角」。
唔理點樣，希望朱晨麗喺搏殺嘅同時，都能夠好好照顧自己身體，話曬健康嘅身體先系革命嘅本錢，期待佢可以繼續畀我哋帶嚟更多噶好作品，加油！
Like MisshkNews Facebook！不出门也能知天下事～
