日前，李佳芯同袁偉豪一齊出席咗揭幕禮活動，喺活動中兩人竟然互相比拼化妝打扮。結果，自然系唔使諗，當然系李佳芯以壓倒性嘅優勢勝出啦！
不過李佳芯就笑說：”我連自己都未化得好，所以我要化妝師同發型師幫我，何況要幫人呢，費事嚇到人啦！我覺得自己嘅化妝技巧有更大嘅進步空間，哈哈！” 
而圣誕佳節準備到，李佳芯就表示買咗份最貴重嘅禮物畀自己，佢話：“其實我好少買貴嘢畀自己，不過就唔打算買禮物畀父母，覺得都系送錢最實際，我呢幾年賺到錢后一到節日，我都會畀錢佢哋洗，佢哋就好開心！” 
至於，跟住就系TVB嘅頒獎典禮，上一年憑借《踩過界》中喜愛夜蒲女法官王勵凡一角而備受好評，更獲得咗《星和無線電視大獎2017》”我最愛TVB女主角”，榮升視后。 
而今年嘅劇集《BB來了》，因為題材貼地寫實，加埋李佳芯將初哥媽媽嘅不安無奈擔心等等嘅復雜情緒都好好演繹出嚟，大獲好評之余，仲有唔少觀眾力撐佢問鼎今年嘅TVB視后。 
對此，李佳芯就表示今年多咗好多同事撐佢攞獎，讓佢信心大增，佢話：“佢哋會行過嚟同我講：今年系你啦！我哋買重你！而當同行和幕后同事都畀肯定嘅時候，我就會覺得呢個肯定好難得，但都會令我覺得如果攞唔到會令佢哋好失望，然后自己都會好失望。” 
唔理點，都希望李佳芯可以喺跟住落嚟嘅頒獎禮，獲得如意好成績！同時都期待李佳芯喺跟住落嚟嘅《白色強人》同《殺手》中嘅精彩演出，唔知戲路多變嘅佢，又會畀我哋帶嚟點精彩噶演出呢？
Like MisshkNews Facebook！不出门也能知天下事～
