當年與郭富城一齊做男主角，而家56歲喺TVB做配角

現年56歲藝人陳嘉輝喺《愛回家之開心速遞》演出朱凌凌老竇「朱展」，為人專制唔講道理，一心想個仔做律師，角色形象成功入屋。

其實陳嘉輝自從2014年重返TVB後劇接劇，特別係《是咁的，法官閣下》，唔少網友贊佢將法官演得入木三分，而喺《包青天再起風云》陳嘉輝都有份演出！雖然唔係以前備受力捧嘅當紅小生，但陳嘉輝認為現階段有得做戲已經好滿足。

陳嘉輝入行前曾經係政府土木工程拓展署嘅工程師，原本係一個安穩嘅人生，當時因為拍攝廣告畀TVB睇啱，加埋佢對做戲好有興趣，又想出人頭地同名成利就，於是佢放棄工程師高薪厚職，勇敢追尋演員夢。

陳嘉輝加TVB備受力捧，25歲參演首套處境劇《都市方程式》，與郭富城齊齊做男主角，兩人之後喺劇集《我係黃飛鴻》同《螳螂小子》繼續擔正，陳嘉輝當時更與張衛健、林文龍、劉錫明畀力捧為「太陽之子」。

多年拍劇生涯仲為陳嘉輝帶嚟一個好老婆，佢同太太梁小冰喺1992年拍攝《兄兄我我》嗰陣認識，身為1990年港姐季軍梁小冰，同陳嘉輝好合襯。

兩個人拍拖八年之後就拉埋天窗，兩公婆到而家已經結婚十九年，仲好甜蜜。

陳嘉輝稱得上廿四孝老竇，對家庭好有承擔。佢喺1997年曾經離開TVB，去過馬來西亞、內地同中國臺灣發展，直至2007年與太太梁小冰誕下仔仔陳洋溢（Lewis）之後，佢先決定重返TVB。

陳嘉輝深知現時自己唔再後生靚仔，樂于轉型做實力派配角，只要角色有發揮，佢就愿意接。