畀求婚成功？31歲前港姐曬鉆戒放閃：最好嘅嫁妝就系體貼溫暖嘅心！

其實自從莊思明同男朋友揚明拍拖以嚟，兩人一直都好甜蜜，而且雙方都一早視對方為結婚對象，因此坊間都不時傳出佢哋即將要結婚嘅好消息。

喺今日，莊思明就于社交網上上載咗兩張手攞香檳杯嘅相，只見相中莊思明心情大好，仲留言寫道：“一個女最好嘅嫁妝就系一顆體貼溫暖嘅心。”不過有細心嘅粉絲就發現佢中指上戴咗鉆石戒指，雖然未知系咪暗示咗男友同佢求婚，不過網民們都紛紛預早恭喜佢，送上祝福。

今日又適逢系《萬千星輝賀臺慶》嘅好日子，噉就讓misshk諗起李亞男同王祖藍呢一對啦。當年佢哋都系趁住臺慶，當住萬千觀眾嘅面，成就咗最燦爛嘅時刻，王祖藍單膝下跪，李亞男感動落淚，最終喺觀眾嘅歡呼下，見證住王祖藍求婚成功，抱得美人歸。

今晚莊思明現身《萬千星輝賀臺慶》嘅時候，對于是否畀求婚一事，佢連隨澄清否認話：“呢只戒指我成日都戴，好多時候影相都要戴，可能大家有冇留意啫，唔系求婚戒指，系我媽媽送嘅。求婚戒指應該要大粒啲嘛，如果唔系咁努力存咩錢，哈哈！”

佢仲話：“不過好多人恭喜我，今朝睇到都一頭霧水，諗緊咩事呢？多謝你身邊嘅朋友，估唔到佢哋咁想我哋結婚，但真系未求婚，等我哋工作一段時間，求婚呢啲粗重功夫讓我嚟，等我多啲工作，存落錢先。其實一直畀人誤會咗我，我要存多啲錢先可以向佢求婚。”

其實講到莊思明，1987年生嘅佢，曾喺香港理工大學設計系畢業，后來喺2010年就參加咗香港小姐嘅選舉，最終仲取得咗季軍好成績。同大多數藝人一樣，莊思明喺選美結束之后就進入到TVB，開始發展其演藝路。

期間佢都參與拍攝咗幾部劇集，譬如《你們我們他們》、《潮流教主》、《幕後玩家》、《誇世代》、《跳躍生命線》、《是咁的，法官閣下》等。

據悉，喺跟住落嚟嘅新劇《丫鬟大聯盟》、《危城first lady》、《街坊財爺》、《黃金有罪》中莊思明均有份參演，相信屆時佢一定會畀我哋帶嚟更加精彩演出。