男神都會老，44歲吳彥祖有病唔睇險死，一場手術瘦咗15磅

現年44歲男神吳彥祖啱啱出席完康城影展，風采依然，但驟眼睇落好似清減唔少，當時仲以為佢修身喼弗咁到，原來吳彥祖啱啱走過鬼門關。

吳彥祖接受傳媒訪問時，透露曾經患上盲腸炎，因為延誤求醫而險死，吳彥祖表示等多一日，真系差d瓜咗。

而家吳彥祖嘅唯一心愿Happy to be alive，當日，太太Lisa S.因為工作離家數日，家中凈系得囡囡同一個傭人。

而吳彥祖自己已經訂好咗周末到加拿大嘅機票，準備出發同友人玩Snow Board。

但系前一晚，吳彥祖淩晨12點時肚痛，以為食錯嘢，於是食咗腸胃藥，但病情冇好轉，差唔多每十分鐘就痛一次。

唔經唔覺，吳彥祖捱咗2日，最後十幾鐘頭冇飲水，廿幾個鐘冇去廁所。

吳彥祖知道事態嚴重，最后搵親人求助，姐姐帶佢到就近嘅醫院，醫生發現吳彥祖個肚好脹，照CT SCAN之後證實系盲腸發炎。

醫生表示：盲腸爆咗要開刀，一般人2鐘都忍唔住，問吳彥祖點解可以捱2日，如果第三日仲唔嚟就醫，應該會瓜咗。

最後，因為其他腸胃都腫咗，開刀都好困難，唯有先打鹽水，慢慢消炎，吳彥祖由病發到住院，足足9日冇食嘢，瘦咗足足15磅。