據媒體最新消息指，香港歌唱組合「小龍鳳」成員李明蔚，呢排癌病情越發嚴重，據悉2012年李明蔚畀確診患上罕見嘅腺樣囊性癌，呢個系惡性度最高嘅癌症之一。
經過長達7年嘅抗癌歷程，李明蔚已經先后進行咗4次電療同30幾次化療，導致眼睛、聲帶同鼻腔都受到嚴重影響，更令到佢半邊面癱、講嘢困難。雖然堅強樂觀嘅佢一直積極對抗病魔，但無奈時至今日仍然無力回天，生命已經進入倒數計時，實在令人唏噓。 
消息指，李明蔚宜家已經陸續出現器官衰竭嘅問題，身體內嘅癌細胞腫瘤已經擴散全身，包括肝臟、腎臟等多處地方。而面對自己即將完結嘅生命，李明蔚表示最后一個心愿系希望可以捱到7月書展時，推出自己嘅新書。 
受訪嘅時候，李明蔚顯得好虛弱，每講一句話都要休息一下，佢表示：「唔知自己仲有幾多日子，希望可以出到呢本書，用余下嘅時光，勉勵同路人活得精彩！」 
現年29歲嘅李明蔚，早于2010年以組合「小龍鳳」出道，進軍香港樂壇，原本擁有大好星途嘅佢，無奈出道兩年之后就患上癌症，歌唱事業被逼叫停，從此離唔開病床。諗番起當初因為聲帶受影響無法繼續唱歌，李明蔚直言覺得失去人生樂趣。 
7年嚟，李明蔚經歷過無數次身心煎熬，身邊嘅親友關懷令佢都開始睇開，嘗試用積極樂觀嘅態度面對病魔。佢透露，多年嚟抗病已經洗咗大約50萬，又指曾經試過一段時間病情穩定，令自己一度以為見到曙光，無奈最近病況急轉直下，佢直言明白自己大限將至。 
她表示：「而家面癱，有時仲唔自覺流口水，仲有講嘢都唔清晰，而眼神經亦有影響，令到對眼眨唔到，晚晚瞓覺都要用膠紙粘合先可以瞓得，系好辛苦，亦要慢慢習慣。而且醫生講我腫瘤又大咗4cm，就算化療都已經冇用。」 
喺成個受訪過程中，無論傾到癌魔如何折磨，李明蔚都表現堅強始終面帶笑容，但一提到最后愿望希望出書嘅事，佢終于淚崩。事關，呢本書系李明蔚全部心機，里面記載咗佢成個抗癌歷程紀錄，佢希望可以用自己嘅經歷，鼓勵其他癌症病人堅強面對。 
傾到面對生命倒數之際，李明蔚淡然表示，自己已經喺「鬼門關」走過好多次，好似一早已經將生死睇化。
佢憶述：「做埋治療后試過忽然流鼻血，流到好似開水喉噉樣，嚴重到要入院止血，因為流到血塊阻塞，要喺喉嚨開洞做手術，嗰一刻有諗過系咪會死，住咗一個幾月醫院，最終捱過去，每一次都以為自己唔掂，但原來我發現自己嘅意志力真好強。」
提到因為患病曾經遭到心愛嘅前男朋友拋棄，李明蔚坦言已經釋懷，明白勉強冇幸福。
她表示：「第一個男朋友同我拍咗8個月拖，直到我患病之后就同我講分手，我都冇問原因嘅，因為怕自己知道原因會唔開心。第二個男友系患病中同佢喺一齊，嗰時以為搵到一個愿意照顧我嘅人，但最終一齊咗3年仲系分手喇。現時對我嚟講，家人陪伴更重要。」事到如今，期待奇跡可以眷顧李明蔚啦！
Like MisshkNews Facebook！不出门也能知天下事～
