2019年都已經踏入咗6月份，一年一度嘅香港小姐競選都即將進行。而日前，一眾港姐就出席咗《2019香港小姐競選》之「最後召集」活動，喺活動上都宣布今年嘅港姐將會去東京取景拍攝。
事後，張寶兒就表示諗返當時自己參加首輪港姐面試披頭散發，冇咩意識要打扮，佢解釋話：「因為我諗住睇下就算，曾經考慮去唔去面試，但通知我嘅負責人叫我試下先，所以我著得好隨意，著住T恤，高跟鞋都系問媽咪借。我第二輪面試先著返條裙，好似返個女仔。」
至於會否舉薦親友們參選，張寶兒就笑言要等其他妹妹長大，不過每年都有好多朋友想要報名參加，都有詢問佢哋意見。
佢話：「今年都有人問，但唔知系唔系會報名。」至於參選嘅最大收獲系咪認識咗男友袁偉豪，張寶兒回應：「其中一樣，仲有好多，參選過程中試到好多嘢，以前唔會夠膽喺鏡頭前講咁多，而家又拍劇又做綜藝，好豐收。」
1991年出世嘅張寶兒出世喺富貴家庭，擁有多個物業嘅佢喺屋企長女，前往英國英格蘭西部繼續升學嘅佢，曾經喺倫敦大學學院主修人文地理，同時亦修讀賓夕法尼亞大學沃頓商學院工商管理遙距課程。
回流到香港之後，張寶兒曾經做過盛世廣告數碼項目經理，同李錦記健康產品集團產品發展經理，直到喺2016年嘅時候，通過胞妹提名參選《香港小姐競選》，雖然最後未能進入三甲，但都獲得咗「友誼小姐」嘅獎。
同大多數藝人一樣，張寶兒喺選美結束之後就備受賞識進入到TVB，同年入讀為期三個月嘅演藝進修班。
次年，佢就成為咗資訊節目《學是學非》嘅主持之一，憑借其活潑演出，其「是非精」形象都深入民心。
而佢喺《鐵探》中飾演嘅「程美茵」都令人好驚喜，期待佢跟住繼續畀我哋帶嚟多啲精彩噶演出，大家不妨一齊拭目以待！
Like MisshkNews Facebook！不出门也能知天下事～
