爆料，TVB待遇差到咩程度？活動計錢法，最差月薪得2千？　

今年開始，唔少TVB藝人紛紛離開，以綠葉配角為主，其中不乏系為公司付出幾廿年青春嘅TVB藝人，主要原因就系薪酬待遇太差！

兒童節目主持人蓋世寶、李天翔接連因唔畀公司尊重而宣布離巢，與此同時，甘草級演員劉桂芳亦都喺討論畀TVB減薪95%。

TVB絕情作風令唔少網友反感，感覺TVB冇人性，對于藝人系屬於用即棄態度。

據知情人士透露，TVB與藝人之間嘅合約大概可分為經理人約（親生仔／女）、長約以及Part time（兼職）約。

長約藝人最基本一年30場活動，身價則因人而異，而喺合約期內，如果接到處境劇好似《愛回家之開心速遞》，就好易滿活動數量。

如果活動次數滿一年30場，TVB就開始幫你推活動，只保證一年30場活動。

據悉，TVB藝人身價差距好大，新人最高800蚊一場，換言之，就算一年有30場嘅話，年薪得24000蚊。

根據TVB活動計算方法，一個鐘嘅電視劇全場有出現，可以計算2場活動。

如果只出現半個鐘，就只計算一場活動。

至於綜藝節目嘅話，系一集計一場，所以一般參加綜藝節目嘅半年之內一定可以去到30場活動。

反之，一年之內30場活動做唔曬，下一年要繼續還債。

至於加薪，有藝人喺續約時，得到每場活動加50蚊，亦有試過以經濟不景為由，要求藝人降低身價。

最慘嘅系兼職合約，零福利零醫療、公積金保障，一年得6場活動。

兼職合約只啱知名度高，自己有客源嘅藝人，比如農夫、林盛斌，自由度高，可以隨便接活動。