尋晚一年一度嘅TVB臺慶晚會成功落下帷幕，作為大贏家嘅袁偉豪不僅成為臺慶宣傳片第一個出鏡嘅小生，仲順利攞落咗新馬嘅雙料視帝，風頭一時無兩！
有咗咁強大嘅光環，袁偉豪都即刻接到咗唔少工作邀約，今日就同馬國明嘅女友黃心穎現身商家活動。為咗配合主題，兩個人都著上咗皮衣，黃心穎更加系露出小蠻腰，頓時成為全場焦點！
提到男友馬國明喺臺慶嗰晚痛失視帝，黃心穎甜笑表示佢一早唔志在獎項，而且睇到全場咁多人支持佢，就已經好開心！ 
而企埋一邊嘅袁偉豪都不由噉表示睇到全臺藝人票選馬國明時，都覺得佢有好大機會，冇諗到最后變成系自己得獎。雖然有啲驚訝，都知道未必個個都認同呢個結果，但有壓力先有動力，今后一定會加倍努力。 
至於女友張寶兒淚灑現場，袁偉豪都窩心直言好感動，話曬今年大家經歷咗好多嘢，由父親過咗身到一齊共度難關，呢份情誼千金難買。 
其實喺舊年開始，袁偉豪就因為天堂哥一角人氣爆棚，成為TVB力捧小生之一，不僅喺年頭接落咗合拍重頭劇《鐵探》，與金像影后惠英紅對戰，而且喺大制作《再創世紀》中都擔任主演。
而佢同張寶兒都鐘意得越嚟越高調，不僅已經見過家長，而且喺電視城內都極盡可能噉為女友爭取工作，以致于初出道冇幾耐，張寶兒就同袁偉豪一齊參演咗《鐵探》，兩人更被直擊喺片場經常喺埋位嘅時候密聚。
之后，佢又以嘉賓嘅身份錄制咗綜藝《美女廚房》，比陳展鵬女友單文柔都“大牌”。就連臺慶晚會上，佢都可以得到主持人提問露臉嘅機會，未來前程都不容小覷啊！
唔怪得喺攞視帝之后，身為大會司儀嘅鄭裕玲毫不掩飾嘅詢問袁偉豪幾時結婚，話曬拍拖一年幾嘅陳展鵬不僅結咗婚，而且重升做人父啦，噉嘅速度，袁偉豪唔捉緊啲，睇怕真系會落後好多步呀！
不過喺事業博殺期嘅袁偉豪，明顯都唔想咁快成家，加埋老竇新喪，佢不得不緩兩年。
談到第日結婚，已經37歲袁偉豪就笑言如若可以請到鄭裕玲做證婚人就好啦，最多我哋早啲開始婚宴，十點就搞掂。所以，鐘意袁偉豪嘅粉絲們唔使擔心偶像會因成家立業而減慢事業發展，未來仲有大把日子可以睇到佢嘅演技進步！
Like MisshkNews Facebook！不出门也能知天下事～
