淫穎改英文名「重生」，轉行做地產經紀？

前「TVB花旦」黃心穎畀爆「安心事件」之後，形象破產嘅佢「潛水」去咗洛杉磯，到而家已經「人間蒸發」五個月，而佢有份演出嘅新劇《牛下女高音》最近獲TVB解禁，更安排喺臺慶月播出。

不過，有消息指黃心穎已經決定退出娛樂圈，仲改咗英文名，轉行做地產經紀，專做外國人生意，喺加拿大過新生活。

據消息透露，TVB雖然安排《牛下女高音》作為臺慶劇，但為咗避免踩地雷，未諗住搵黃心穎出席宣傳活動，反而想安排佢做道歉專訪，希望測試外界反應。

傳聞指出「安心事件」畀踢爆後，黃心穎曾經求男友馬國明原諒，起頭馬國明都有覆短訊，之後決定分手，黃心穎先死心出走加拿大。

雖然未知道黃心穎係咪真係轉行做咗地產經紀，不過佢的確對地產好有興趣，入行後鐘意買「磚頭」保值，5年內已經兩度斥資2000萬入市買新樓盤，包括以近1200萬購入油塘新盤Ocean One，同以850萬買入啟德新盤天寰。

除咗喺香港之外，黃心穎同家姐黃心美于2016年喺溫哥華，以約420萬港元買入一個當地600呎住宅連車位。