沖出香港！前港姐連奪世界級比賽4個大獎，7月份將殺進荷里活

TVB嘅處境劇《愛回家之開心速遞》可以講一直深得觀眾嘅歡心，連帶劇中嘅一眾演員均備受關注人氣急升，而前港姐陳偉琪飾演「細龍太」成功入屋而人氣急升，備受關注。

不過呢排佢就參加咗「WCOPA」世界表演藝術錦標賽，而比賽期間狀態大勇嘅佢更贏得咗兩金一銀以及「明日之星」大獎嘅金獎，成績驕人。

而陳偉琪都憑借比賽中嘅出色表現，而成功進入七月份喺荷里活舉行為期九日嘅總決賽，祝賀佢可以取得好成績！

而喺比賽當日，陳偉琪一人分飾四角，走秀之余又以籃球造型搶鏡，表演樂器對佢嚟講就更加冇難度，最後結果梗系順利勝出啦。事後佢都回復：「多謝你哋祝福，而家要努力練習，因為我都好緊張，系好大嘅挑戰！」

1991年出世嘅陳偉琪，入行到而家已經有6年時間，佢同大多數藝人一樣，都系通過選美入行。曾經參加過2011年溫哥華華裔小姐競選嘅佢獲得咗亞軍、最上鏡小姐同最優雅模特獎。

後來喺2013年嘅時候再戰香港小姐，不過最後就可惜止步五強，未能進入三甲。

但系備受賞識嘅佢，喺選美結束之後就參加咗第七期藝員訓練班而成為TVB旗下藝人，雖然佢所飾演嘅角色多數都系一啲配角類型。

不過佢依舊認真對待，兼夾心懷感恩，直到憑借《愛回家之開心速遞》中飾演「細龍太」而終于捱出頭。

除此之外，陳偉琪仲演出過唔少作品，比如《我們的天空》、《陪著你走》、《拆局專家》、《警犬巴打》、《潮流教主》、《超能老豆》、《全職沒女》、《賭城群英會》、《超時空男臣》、《溏心風暴3》等。

唔理點樣，期待佢喺跟住嘅新劇《十二傳說》中精彩演出，都希望佢喺7月份嘅比賽再次奪得佳績，加油加油！