紀念已故天后梅艷芳（阿梅）嘅電影將會喺11月上畫，另一邊廂今年底踏入70歲嘅梅艷芳大佬梅啟明，最近畀發現同一個40歲金髮女子喺銅鑼灣街頭十指緊扣，但對方并非其妻！
事後記者問到梅啟明係咪包二奶嗰陣，佢話：「咁攪笑！」
（記者問到係咪女友），梅啟明話：「係啊！」
（記者問到太太知道？），梅啟明話：「知道！」
（記者問到同兩個女一齊住？），梅啟明話：「咁私隱嘅事點講畀你哋知，你做乜咁關心我」之后，佢再三回避未有回應其他問題。
記者就單嘢致電梅媽（覃美金），佢就表示唔知情：「我點知道佢喺外面嘅事，我自己幾十歲，佢喺出面點玩我邊唔理得咁多。」
傾到起啊女嘅傳奇電影《梅艷芳》將喺11月上畫，梅媽表示：「上畫我會去睇，電影拍得好我會多謝佢。」
Like MisshkNews Facebook！不出门也能知天下事～
