現年34歲前「TVB新聞小花」宋熙年，早喺2007年參加國際中華小姐競選奪冠後入行，轉眼佢加入TVB已經有12年，不過星途始終平平，未有新突破。
據悉，宋熙年一直主力擔任節目主持同司儀工作，佢主持嘅TVB資訊節目《東張西望》深入民心。
由於服務TVB十二年仍畀冷待，所以宋熙年對TVB心淡，已經決定跟隨老公陳智燊外闖，約滿之後就會正式離巢，將唔再同TVB續約！
據悉，宋熙年自細喺澳洲成長，可以講一口流利英文。但入行多年，佢除咗擔任《東張西望》以及明珠臺節目《Dolce Vita》主持之外，卻未能獲TVB重用委派擔任大節目，例如臺慶等司儀工作，所以令宋熙年開始萌生去意。
據知情人透露，宋熙年平日都有接街外商演以及活動司儀工作，傳聞指酬勞起步價兩萬蚊，加埋佢同老公陳智燊共同經營嘅youtube頻道已經上軌道，相信宋熙年如果真係離巢，收入絕對唔會受到影響。
揵查宋熙年社交平臺，發現日前佢曾經發表過：「Looking to the future.」似乎已經暗示咗去意已決，見評論區亦有網民直接留言：”叫佢離開TVB會有更好嘅發展。“
除咗主持方面發展，宋熙年亦參演過幾部劇集，雖然產量唔多，但相信粉絲們都有印象，作品包括有《囧探查過界》、《誘情轉駁》、《萬凰之王》、《巨輪》、《四個女仔三個BAR》、《幕後玩家》以及《誇世代》等。
唔理點樣，希望宋熙年離巢後可以有更好嘅發展，加油！
Like MisshkNews Facebook！不出门也能知天下事～
