TVB新劇《BB來了》收視強勁，熱爆全城。除咗李佳芯成功跑出，備受力贊之外，男主角黎諾懿飾演嘅初哥爸爸都博得咗唔少好感。
劇中嘅佢為咗平衡老婆同媽咪之間嘅關系，可謂費盡心思，以致于患上咗產后抑鬱症而自己仲唔知道，好在李佳芯及時發現，對症下藥，先將兩個人嘅婚姻挽救于萬一。 
事實上現實中嘅黎諾懿婚姻生活好美滿，4年前與家底豐厚嘅落選港姐李潔瑩結婚之后，就畀封“5億駙馬”，即管外界一直嘲笑佢身家不足，但兩個人嘅感情就絲毫冇變。 
舊年李潔瑩更為黎諾懿生下仔仔黎峰睿，畀人叫做“小春雞”嘅佢，一經出世更得到父母嘅萬分疼惜。據悉當時變身“新仔媽咪”嘅李潔瑩好緊張BB嘅吃穿用度，而黎諾懿都不遑多讓，唔拍戲嘅時候，就陪伴喺仔仔身邊，冇一絲厭倦，唔怪得今次出演《BB來了》，演技咁自然，完全系過來人啊！ 
日前更被媒體影到，休假喺屋企嘅黎諾懿帶住小春雞現身淺水灣泳灘，雖然平時工作忙碌，但個仔就對佢好依賴，全程鬧住要佢抱抱。兩仔爺玩到金睛火眼，身邊嘅李潔瑩就負責為小春雞抹汗，一家三口和樂融融，不免令人羨慕！ 
唔好睇黎諾懿而家家庭事業兩相宜，其實佢都經歷過唔少坎坷。原來黎諾懿老豆喺佢好細個嗰陣就患病死咗，由阿媽做清潔女工湊大兄弟三個人。原本畢業之后喺銀行做會計文員嘅佢，想要賺多啲錢，咪嚟報考咗TVB藝員訓練班。 
出道后，因外形健康陽光，TVB都曾力捧過佢。2004年，由佢、林峰、吳卓羲、黃宗澤等組成嘅“奧運六星”都紅極一時，可惜后繼無力嘅黎諾懿自此之后，未能迎頭趕上，於是慢慢淪落為配角嘅佢，唯有喺各個劇中撈個面熟！ 
直到2012年，憑借《愛回家》“神之馬壯”一角色打開口碑，人氣急升。與此同時，黎諾懿同李潔瑩嘅戀情都浮出水面，最初女方父母唔同意呢門親事，全因李潔瑩老豆系行內赫赫有名嘅美容大亨李志強，旗下擁有十八間美容院同多個物業，身家超過5億。 
反觀黎諾懿唔單止家世唔夠，身家更加系難以匹敵！畀外父嫌棄，好似都系人之常情。但聰明嘅黎諾懿并無就此與李潔瑩分手，或者系口花花嗿女友同屋企斷絕來往，而系默默噉增加咗自己賺外快嘅頻率，兼夾愿意接啲唔討好嘅角色嚟增值。 
經過大半年嘅時間，黎諾懿終于喺結婚前夕于香港郊區西貢買咗套70平米小戶型，其后一擲千金買落四克拉嘅鉆戒送畀李潔瑩，兼夾比咗三十萬禮金作為聘禮，誠意十足！ 
就咁樣，黎諾懿以實際行動征服咗外父，都因此得到咗一個完滿嘅家庭！
Like MisshkNews Facebook！不出门也能知天下事～
