新歌反應好，TVB小花大曬三點式泳照「找數」

「TVB小花」何雁詩嘅新歌《絕望時請點播》反應好，為咗慶賀人生第一首歌登上樂壇四個主要流行榜十大位置，佢喺社交平臺大曬三點式泳照「找數」。

不過何雁詩嘅愛犬企正佢胸前，有啲大煞風景，佢留言：「睇似腹肌，其實係11字形肥膏，係時候好好喺屋企做運動。」

不過有網民就攪笑留言：「唔該拎住開隻狗」、「狗狗唔該借一借」，而何雁詩嘅粉絲就替佢開心，話佢付出冇白費，鼓勵佢繼續努力。

大家可以听嚇何雁詩呢首歌《絕望時請點播》