抽油煙機著火！39歲女歌手喺屋企畀濃煙包圍：成個廚房都燒毀咗

現年39歲香港女歌手王秀琳，較早時就外出旅游，仲喺社交網站曬出靚相顯得心情大好。豈料返香港幾日就發生意外，原來佢屋企發生火警，成間屋都畀濃煙包圍，廚房都畀燒清光喇。

唯一不幸中嘅萬幸，就系人同屋企愛犬安然無恙，認真有驚無險。

王秀琳喺網上曬出幾張慘不忍睹嘅火災現場后相，并留言講述事發經過。

佢表示：「我屋企嘅抽油煙機突然間出煙，然后好快成間屋同走廊都畀濃煙包圍，我即刻報警，警察隊員同消防隊員，喺8分鐘內趕到現場救火，好彩冇人員受傷，只系吸入濃煙覺得不適，都系不幸中的大幸，真系好恐怖嘅一晚。

我都畀嚇到成個人身體發軟，喺呢危急關頭，我真系要多謝我鄰居們嘅協助，更特別要多謝我妹夫嚟幫手，同特別要多謝住我樓上嘅女友人，尋晚收留我哋幾個。」

1980年出世嘅王秀琳，出身于模特兒身份，曾經喺2000年憑SUNDAY廣告中嘅“毫七子”而一炮而紅，次年又為品牌啤酒拍攝賀年廣告而畀廣大電視觀眾所熟。

出道多年，王秀琳推出過唔少單曲唱片，成績都非常唔錯。

除此之外，王秀琳仲拍過電視劇同電影，佢曾經參演亞視經典劇集《我和僵尸有個約會III之永恒國度》，喺劇中佢系飾演湯金寶一角，未知各位劇迷有無印象呢？

至於電影方面，王秀琳嘅作品包括《神槍手》、《只眼開只眼閉》、《每天嚇你八小時》、《一個賭波的傳說》、《賭俠2002》等，演技曾經獲觀眾好評嘅佢，近年已經冇新作品面世，專心發展自己嘅音樂事業同投資食肆同酒吧生意，升呢做事頭婆。

家中大火話曬唔系小事，雖然人冇事已經萬幸，但燒毀嘅地方都要重新裝修，希望王秀琳能夠盡快恢復正常生活軌道，都希望各位朋友引以為戒，家中電器一定要多加留意情況，話曬火災無情，唔系每一次都咁好彩。