尋日就系元宵佳節，藝人林淑敏就喺商場出席咗《流行都市》嘅慶元宵活動，兼夾仲喺抽獎環節，發咗一個“新年財”，抽中咗“足金金豬”，可謂系新年行大運，一年到頭順順利利，心想事成！
不過林淑敏都表示呢段時間的確好感恩，出席《萬千星輝頒獎典禮2018》又獲得咗“最佳女配角”，這對于入行多年嘅佢嚟講，無疑系一個最有力嘅肯定。之前多次與該獎失之交臂，而家終于獲得殊榮，實在可喜可賀！ 
佢就表示話：“《流行都市》呢個節目教識我好多，我做呢個節目已經7、8年，從原本乜嘢都唔識，好彩有大王同章志文教識我好多，好似一啲節奏同懶音都系志明教我，希望可以一直做下去，而呢個都系TVB最長命節目之一。” 
至於林淑敏又抽中金豬又攞佐獎，唔知會否趁住佳節請大家食飯，佢就連隨笑話：“有大王喺度，唔使我，點解我咁鐘意大王，都因為佢會請食飯又派利是，舊歷新年只放咗初二同初三，初四就要為《愛回家》開工嘞。” 
較早前就有講到，因為林淑敏家族遺傳原因，荷爾蒙會比常人分泌要高，所以一直都要睇，不過而家佢乳癌都抗癌成功，可以通過荷爾蒙治療而再次懷孕，但系老公就下禁令唔要寶寶，只因擔心佢癌症會再度發作。 
感恩老公咁體貼嘅林淑敏，都表示元宵節陪老公一齊過，不過老公卻比佢更忙。話曬林淑敏拍攝《愛回家》同《流行都市》時間相對嚟講都會比較穩定，但系老公忙工作嘅話，反而時間會難以估計。 
春節只放咗三日假，既唔可以出遠門，都唔可以去外國探親，至於喺后尾嘅時間會否計劃再放假，林淑敏就表示：“已經計劃5月份返加拿大探親，數數手指都已經有四五年冇返去，始終屋企人年紀都大咗，希望盡量陪多啲屋企人。” 
唔理點，身體最重要，希望林淑敏身體健康，繼續畀我哋帶嚟多啲更精彩嘅好作品，期待！
Like MisshkNews Facebook！不出门也能知天下事～
