童星出道嘅TVB小花黃美棋，今日現身自己有份投資開設嘅餐廳開幕禮活動，現場可以見到，黃美棋嘅男友鐘健威都喺度幫女友打點一切，二個人默契十足好似兩夫妻，好合拍。
期間，受訪時黃美棋笑謂自己仲未結婚，又大贊男友確實心思細密好體貼：「佢好好，嚟幫我開幕，我系同6個喺美國讀書嘅朋友一齊搞，我自己投資咗6位數資金。開餐廳系我從細到大嘅心愿，喺美國讀書嗰陣成日食同學炮制嘅臺式飯面，見同學返香港就開食肆，所以我亦想將呢個味道保留，并已學齊曬烹飪方法。」
在旁嘅男朋友鐘健威則笑言，自己專門負責為每一道菜式改名，又幽默指如果讓女朋友改名，一定出事。黃美棋連隨表示，店內嘅「波濤胸涌鮮奶茶」就由佢改名，見佢著Tube top之外摟西裝外套，親身示范「胸涌」本錢，佢仲攪笑噉話：「系咪要著比堅尼賣鮮奶呀？」
問到著咁錫士，男朋友有無意見？黃美棋就解釋謂，西裝外套有扣鈕，所以認為尺度都算ok。男友連隨明顯呷醋反擊：「今日系鋪頭開幕儀式，其實以樣招徠就更加好。」睇嚟十個男人九個都系唔希望另一半著得太錫士。
現年30歲嘅黃美棋，最早喺1994年開始加入TVB，當年年僅幾歲嘅佢，已經喺電視各頻道亮相，比如教育電視、翡翠臺等，佢又為亞視拍過唔少劇集，又參演電影等，系90后觀眾心中最經典嘅童星之一。
黃美棋飾演過嘅影視作品真系多不勝數，比較經典嘅代表作有《我和僵尸有個約會II》、《帝女花》以及喺周星馳電影《行運一條龍》中飾演嘅小芬女一角，呢個角色令黃美棋成為街知巷聞嘅小童星，到而家更加成為觀眾心中無可超越嘅經典。 
正所謂女大十八變，2011年黃美棋正式畢業于柏克萊加州大學，學成歸來嘅佢再唔系當年嗰個細路女，而系蛻變成女神級小花。
2017年8月，黃美棋宣布回巢TVB拍劇，舊年周末檔劇集《救妻同學會》中，黃美棋有份演出，期待佢繼續拍劇！
Like MisshkNews Facebook！不出门也能知天下事～
