愛火始終包唔住！前華姐戀情終于浮出水面，有網友目擊余思霆與朱敏瀚喺日本東京一同出游，日前媒體拍到戴住口罩嘅朱敏瀚與余思霆前后腳喺香港機場出閘，睇上去好小心，同行仲有未來婆婆朱敏瀚嘅媽媽。
朱敏瀚同朱媽媽一人推住一部行李車，而余思霆就全身黑色，戴住cap帽同黑框眼鏡，雖然素顏現身，但身材高挑，好搶眼，三個人一落飛機就去食嘢，期間朱敏瀚同余思霆不時有說有笑，余思霆更不時嘟嘴賣萌，朱媽媽間中都會畀冷落，惟有玩手機。 
之後見到朱敏瀚自然噉拿起余思霆手上嘅罐裝汽水，明顯二個人系情侶關系，完全唔介意共飲一支水。之後，佢哋就直接返朱敏瀚位于沙田嘅寓所，余思霆都跟住落車，三個人一齊拎住行李上樓。 
舊年11月，有媒體曾經踢爆勇奪2017年華姐冠軍嘅余思霆，秘撻TVB小生朱敏瀚，當時二個人均雙雙否認，余思霆仲話：「情人節冇一齊過，同居更加冇可能，請大家唔好捕風捉影。」。 
朱敏瀚今日就機場曝光一事以短訊回復傳媒：「多謝大家關心，大家了解咗一段時間，余思霆系一個好女仔，希望大家給予空間，我哋事業啱起步，都希望以工作為先，大家一齊努力。」 
據悉較早前，朱敏瀚一直有一位感情好好嘅圈外女友，樣靚身材正，女方不時喺社交平台曬出恩愛相，仲會陪男友開工。
不過，朱敏瀚同余思霆喺合作拍劇集《好日子》嘅時候，疑戲假情真，朱敏瀚就回應已與圈外女友分手，現時同余思霆系朋友關系，今日嚟睇，二人嘅關系，從嗰陣已經開始發展。
大家對朱敏瀚應該唔陌生吧，佢經常喺TVB劇集飾演廢青，學生，細佬等角色。原來佢自細就上過TVB嘅節目，參演嘅劇集更加系數不勝數，多數系啲茄哩啡角色。
misshk有印象嘅系《完美叛侶》里飾演對哥哥陳豪有偏見嘅細佬。《洪武三十二》入面嘅少年朱棣，《是咁的，法官閣下》入面嘅聲援支持緋聞教授嘅大學生。
嚟自臺灣嘅余思霆唔單止樣貌出眾，溫柔可愛，仲曾經嬴得青年組花式溜冰比賽冠軍，喺TVB都系才藝了得，一字馬對佢話嚟就嚟。
首套演出嘅劇集《救妻同學會》飾演救生員，亦好緊張自己喺劇中嘅表現，連瞓覺個腦都經常浮現拍戲時嘅畫面，睇佢真系好努力好上進。 
宜家，兩人合作嘅《好日子》仲未出街，今日戀情又公諸于眾，misshk好期待佢哋嘅對手戲！
Like MisshkNews Facebook！不出门也能知天下事～
