TVB新劇《好日子》正在熱播中，呢部劇自從播出以來回響不斷，相信都會創下收視佳績。而經過拍攝劇集幾個月時間相處，劇中嘅演員因此成為咗好朋友，比如喺劇中飾演好姊妹嘅余思霆同簡淑兒。
兩個人通過呢部劇而成為好朋友，唔怪得較早前傳媒爆料余思霆拍拖之後。簡淑兒即扁嘴話：「拍拖都唔話畀我聽！」而余思霆馬上講：「咁你拍拖會話畀我聽？」簡淑兒好似細路咁直言：「第一時間話畀你聽！」
而家余思霆就同TVB小生朱敏瀚因戲生情，不過好姊妹簡淑兒感情到而家仍未有著落，傾到系米有介紹「筍盤」畀好姊妹。
之後簡淑兒自曝由於自己工作性質原因，曾經多次畀前男友投訴，最終更引發為分手導火線，到而家仍未揾到能夠體諒自己工作嘅男友。
簡淑兒話：「拍張相、拖手拍戲都問點解。（拍吻戲咁米反臺囖？）我至而家都未拍過吻戲。（最想同邊個男演員拍？）梗系古天樂同金城武啦。」
而另一邊嘅余思霆就表示：「咁我可唔可以攞返個銀幕初吻？當日同我拍嘅系伍富橋，佢都系銀幕初吻，大家都表現生硬。（咁你想點呀？）想對手有多啲經驗囖。」
簡淑兒提議：「咁，不如李國麟啦。」余思霆答：「都得。」唔知兩位女神有冇問過李國麟嘅意思呢？
1994年出世嘅余思霆同大多數藝人一樣，都系通過選美入行，曾經參加過《2017年國際中華小姐競選》嘅佢，最終奪得咗冠軍寶座，喺選美結束之後，備受賞識嘅佢就進入TVB，開始發展其演藝事業。 
期間，佢參與拍攝過唔少劇集，比如《救妻同學會》、《好日子》等。據悉喺跟住落嚟嘅新劇《她她她少女時代》、《愛美麗狂想曲》中余思霆又會畀我哋帶嚟點精彩噶演出呢？大家不妨一齊拭目以待！ 
Like MisshkNews Facebook！不出门也能知天下事～
