張柏芝首度回應生三胎嘅原因，竟然係驚寂莫驚孤獨

今年39歲嘅張栢芝出道21年，經歷人生高低起跌，張栢芝憑藉《忘不了》奪得金像獎影後，但亦因為卷入艷照門風波，令佢事業陷低潮。

張栢芝為前夫謝霆鋒誕下兩子謝振軒、謝振南，舊年11月第三個仔出世，小王子同阿媽姓改名張禮承，生父嘅身份保密。

最近張栢芝為大陸綜藝節目《女人30＋》擔任嘉賓，開腔剖白生第三胎嘅原因。

8歲已經想做媽咪嘅張栢芝，相信自己二十年之後會有一個小朋友，佢話女人一定要生小朋友，不然生命不完整。

主持問：如果仔仔大咗，要離開你呢？

張栢芝話：一定會失落，所以我咪繼續生，系咁生，等佢哋大咗又生一個，咁當然呢個肯定冇可能，不過我真系好鍾意小朋友。

為咗家庭犧牲事業，張栢芝話唔覺得可惜：因為睇住佢哋長大，比接乜工作更重要。

當年張栢芝同謝霆鋒離婚大受打擊，時間同仔仔醫好情傷，而家佢系單身，要愛就愛，冇太多顧慮，但而家擇偶條件首先要可以用心交流。

一路形象堅強嘅張栢芝喺節目中，提到過去受過嘅傷害，更一度哽咽：差唔多22年，咁多年都受到好多唔同嘅攻擊，唔怨天唔怨地都唔怨你，我咩人都唔會怨。

要愛就愛不顧後果，今年準備40歲嘅張柏芝生落第三胎，渴求靈魂伴侶。