現年33歲嘅TVB小生馬貫東，近年備受無線力捧，先憑藉處境劇《愛回家之開心速遞》中嘅「博士」人氣急升，之後又被安排參演多部新劇，并喺劇中占據重要角色戲份，演藝事業越嚟越好嘅佢，今日就突然間宣布失戀！
據悉，馬貫東不嬲對感情事都好低調處理，不過今日佢突然間現身社交平臺公開發文，疑似宣布已經同圈外女友分手。
馬貫東寫道：「與你我有關嘅回憶唔會抹去，都喺個心度，多謝你嘅一切。我哋之間冇涉及其他人，只系而家換咗角色，帶上祝福，回到最初。愿你我未來更幸福。」唔少網民都送上關心，希望馬貫東可以堅強撐落去。
另外，一眾與馬貫東合演《愛回家之開心速遞》嘅演員，包括阮政峰、周嘉洛等都紛紛留言安慰馬貫東，希望好友可以盡快走出情傷振作起身。
據悉，馬貫東入行到而家已經12年，雖然好多觀眾近年先至注意到佢，但其實早喺2007年嘅時候，馬貫東以及參加第21期無線藝員訓練班入行，主力拍劇嘅佢，多年嚟雖然已經先後參演多部劇集，但系可惜始終飾演不起眼嘅配角。 
作品包《飛虎》、《巾幗梟雄之義海豪情》、《仁心解碼》、《法證先鋒3》、《東西宮略》、《回到三國》、《法網狙擊》與及《大太監》等。 
直2016年，馬貫東嘅演藝事業開始轉折，佢先憑喺人氣劇集《鐵馬戰車》中，飾演警長揚明一角大獲關注，成功入屋。
同年又憑處境劇《愛回家之八點入席》中飾演十仔一角爆紅，知名度人氣都持續高升唔少，更憑藉呢個角色成功入圍《萬千星輝頒獎典禮》提名飛躍進步男藝員殊榮。
2017年，監制開拍《愛回家之開心速遞》，繼續保留馬貫東參演，喺劇中佢同謝芷倫合演情侶人氣急升，更加獲提名《萬千星輝頒獎典禮》最佳男配角獎。
據悉，喺跟住新劇《致所有愛過的人》中，馬貫東擔任重要角色，各位粉絲到時候千祈唔好錯過！
Like MisshkNews Facebook！不出门也能知天下事～
