娛樂圈無真愛？前港姐親手為老公整蛋糕慶祝生日

日前，TVB雙料視帝陳豪迎來咗佢48歲嘅生日，身為三個細路老竇嘅佢，每日都沉醉于美滿嘅家庭樂中，已經三年抱三嘅陳豪，較早前佢喺受訪時，更表示有意叫太太陳茵媺繼續追生，事關兩公婆都好鐘意小朋友。

生日當日，最幸福男人陳豪獲老婆同三個仔女齊齊為佢慶祝，佢哋喺屋企舉辦咗一個簡單又溫馨有愛嘅生日會，除咗以氣球「HAPPY BIRTHDAY」布置增添氣氛之外，太太仲同三個仔女一齊合力做咗一個虹生日蛋糕俾陳豪！

之后，陳茵媺又現身社交平臺，曬出一家五口幸福全家福，相中可見兩個仔同細女都爭住要攬住爸爸合照，而陳豪當然冧到爆，一副好開心兼享受嘅樣，一家五口真系超級溫馨！

陳茵媺又留言祝老公生日快樂，又大放情話指老公進入每間房都好似帶嚟彩虹一樣！字里行間都充滿愛意，唔少網民都紛紛點贊祝福，并表示羨慕。

1971年出世嘅陳豪，系澳洲籍華人，佢系TVB實力一線小生，更加獲封為「師奶殺手」！

陳豪出道多年，早期主要系喺電影圈打拼，不過星途一般，直到2000年轉投無線旗下發展，開始主力接拍電視劇，亦因此星途大轉。

陳豪加盟TVB冇幾耐就憑主演劇集《洛神》一炮而紅，之后獲得無線重用力捧。

接二連三喺多部劇集中擔任男主角，拍咗唔少膾炙人口嘅經典佳作，包括《絕世好爸》、《金枝欲孽1－2》、《秀才遇著兵》、《匯通天下》、《溏心風暴》、《宮心計》、《公主嫁到》、《天梯》以及《使徒行者2》等。

不過，近年陳豪明顯減產，將更多精力擺喺內地市場同網劇，雖然冇離巢發展，但佢作品已經減少咗好多，但這都唔阻粉絲對佢嘅喜愛。

只要有陳豪嘅劇集出街，基本上都系收視口碑雙豐收嘅佳作，可見陳豪深入民心深受熱捧嘅程度。