日前，前TVB花旦茍蕓慧就出席咗按揭公司嘅周年活動，不過提到投資呢一方面，茍蕓慧就笑話希望穩到錢咪學投資，佢更表明目標就系請老公到馬爾代夫旅行。
不過喺加拿大已經有物業投資嘅佢，直言香港樓價太貴，兼夾多年嚟都只會買磚頭，其他項目就一直未夠膽嘗試。
佢話：「希望投資穩多少少，就請老公去個trip，去馬爾代夫，佢可以幫我影下相，到時梗系要著三點式。」而佢即將都要去內地參與一部歌舞劇，為咗以最好嘅狀態呈現畀觀眾，而家佢就積極練歌跳舞。
佢話：「已經練咗兩、三個月，因為會有好多人參與，遲啲會一齊排練，會返內地一、兩個月拍攝，一共有十二集。要練到S Shape嘅身型，雖然未必有太多機會去騷身材，因為角色性格好tough同果斷嘅女仔，會系fashion，但唔會太sexy。」
舊年升呢做人妻后嘅茍蕓慧，好似喺老公嘅愛情滋潤下越來越靚，已經畀私有化嘅佢，畀問及老公會唔會介意其性感演出嘅時候，佢就表示：「老公鐘意我sexy，佢冇贊我，不過我知佢鐘意sexy嘅我。佢OK，好多嘢佢都畀我話事，佢可能會去現場睇。」 
1983年生嘅佢自細移民到加拿大，喺大學期間主修數學嘅佢，曾經參加過多倫多華裔小姐嘅競選，獲得冠軍嘅佢，次年再戰2009年國際中華小姐，賽前畀視為大熱門嘅佢，最后都不負眾望，捧得桂冠而歸。
入到TVB之后，茍蕓慧都曾經參與演出過多部電視劇集，比如《情人眼里高一d》、《紫禁驚雷》、《法證先鋒3》、《飛虎》、《怒火街頭2》、《仁心解碼2》、《情逆三世緣》、《EU超時任務》等。 
雖然而家茍蕓慧已經離巢，不過都希望佢可以繼續畀我哋帶嚟更好噶作品，都希望可以早日聽到佢哋傳出好消息，祝福！ 
Like MisshkNews Facebook！不出门也能知天下事～
