好事近？前港姐承認同金融才俊拍拖，已經見過家長

前港姐劉溫馨今日去將軍澳電視城參加直播節目，單身4年嘅佢接受采訪時，就透露目前自己有追求者：“男朋友做金融業嘅，我哋系喺教會嘅時候，喺朋友間慢慢識嘅，我哋想低調啲呀。”

問到現時感情系咪穩定？再追問下先透露原來已經唔單止喺追求階段，笑說而家相處得好開心，只因為男方比較怕醜，所以冇專登講出來。

問到會唔會同男朋友閃婚？佢就表示唔會閃婚，因為屋企人都好嘅傳統，仲指喺拍拖前已經見過對方嘅屋企人。問到男友宜家已經過咗拍拖試用期？劉溫馨回答話：“仲未結婚，我唔知啊！而家大家都好滿意、系屬於開心嘅階段。”

翻開資料得知，TVB小花劉溫馨，原來系中國遼寧大連人，佢系中央戲劇學院2009級表演系大學畢業，喺2013年，佢參選咗香港小姐競選，當時成為大熱選手之一，初賽票數僅次于陳凱琳，可惜最終只獲得第四名同最上鏡小姐，當時佢仲畀TVB高層樂易玲贊系可造之才。

雖然佢出道以來一直做茄喱啡，但佢并冇放棄，由茄喱啡到客串，一步一步而家已經開始飾演女配角嘅角色，希望佢未來可以做到女角色。