到咗2018年嘅最后一日，依然系喜事不斷，31歲前華姐倪晨曦就喺社交網上公開咗男友“V先生”嘅求婚短片，向大家正式宣布封盤，同圈外男友成功訂婚踏上人生新征程，真系可喜可賀，恭喜恭喜！
倪晨曦就寫到：”我諗咗好耐好耐，呢件事系人生中咁緊要嘅時刻，都系今年讓我感觸最深嘅一件事，想分享畀你哋，噉就系我訂婚啦！”同時，佢仲以長文同粉絲朋友交代咗男友嘅求婚過程，感動萬分。 
相信喺每個女仔心中都有屬於自己最浪漫嘅求婚幻想，會幻想住喺漫無邊際嘅花海，或者系喺海天一色嘅大海邊，又或者系喺莊嚴神圣嘅教堂前，周圍嘅氣氛都系甜甜的味道，而心愛之人就會喺度同自己許下一生嘅諾言。 
對于倪晨曦嚟講，最驚喜嘅求婚，就系男友“穿越”到巴黎，喺佢認為系最浪漫嘅城市同佢求婚。佢話：”佢（男友）講咗好多好多，但系我都唔記得，只系一直喺到喊，因為我好感動！” 
倪晨曦仲講：“冇諗過佢會揀喺我覺得最浪漫嘅城市向我求婚，我哋喺埋一齊都好少討論關於結婚嘅事，因為佢知道我太愛工作，佢成日默默喺我身邊不斷嘅付出，畀一個溫暖的避風港，呢個系全世界對我最好的男人，永遠都把我放喺佢前面！” 
其實兩個人喺一開始嘅相遇相識相知，到後尾嘅相戀相守，每一個階段嘅緣份都系來之不易。可以揾到一個真心痛愛自己嘅人，懂得自己嘅人就更加系實屬不易，有這樣的痛愛，好似倪晨曦自己所言，的確系一個溫暖的避風港。 
咁倪晨曦喺接受訪問時就甜蜜表示話：“男朋友喺巴黎做呢件事，令我覺得好感動、震驚，完全冇諗過喺呢個時間，因為嗰陣喺到工作，佢突然間出現系好大驚喜，我完全控制唔到情緒。我自己就好開心，都希望身邊朋友仲有粉絲繼續支持我，婚禮計劃喺2019年，不過詳情仲未決定到，多謝大家關心。” 
睇到倪晨曦喺求婚視頻中又幸福甜蜜嘅大笑，又喊到停唔落嚟，場面都系浪漫又感人。女神而家都搵到系屬於自己嘅幸福，希望佢哋可以早日傳出喜訊，再次恭喜恭喜！！
Like MisshkNews Facebook！不出门也能知天下事～
