太太順產誕下小公主，「TVB小生」升呢做老竇感動到落淚

「TVB小生」林子善喺2017年與拍拖6年嘅圈外女友Kary結婚，今年7月佢喺社交平台曬出一張超聲波圖片，留言宣佈做老竇：「期待小公主嘅來臨，你要乖乖身體健健康康，懷胎十月辛苦曬BB。」

尋日凌晨（12月29日），林子善嘅小公主終于出世同大家見面，林子善仲拍咗囡囡第一張相，喺社交平台同大家分享喜悅。

林子善仲大贊老婆好犀利：「媽咪超級無敵勁，冇麻醉順產分娩。從佗B到出世成過程都歷歷在目，長大之後可以唔錫老竇但一定要錫媽咪，因為母愛真係偉大＃超乎常人。」

林子善嘅圈中好友胡定欣、陳敏之、姚子羚、陳山聰等人都紛紛留言送上祝福，收到大家祝福嘅林子善再次發文多謝朋友。

林子善入行二十幾年，當年16歲嘅佢好好彩噉有份參演《喜劇之王》飾演“洪爺”，憑借其獨特演繹而人氣急升，2005年林子善加入TVB發展，但都係飾演配角為主。

2010年林子善與鄭嘉穎、馬國明、唐詩詠、黃嘉樂合作主演《鐵馬尋橋》，五個人喺戲外更加成為圈中好友「鐵馬家族」，佢哋更加經常約埋聚會，舊年林子善同太太補辦婚禮，「鐵馬家族」更加係齊人做兄弟。

而喺婚宴嗰晚，幾乎當時喺TVB嘅藝人同事都有出席，可見林子善圈中人緣好好。

2012年林子善與友人合資七位數字開設“龍鳳冰室”，半年就已經返本，六年內更成功開咗5間分店，生意好好。

2019年12月佢林子善過社交平台發文，表示為咗照顧妻女而選擇退出冰室。