天王郭富城奶爸上身，大談「湊女經」

天王郭富城自從遇到真愛大陸模特兒方媛，結婚生子完成一個又一個嘅人生階段，而呢幾年嘅佢化身奶爸，唔介意同記者大談「湊女經」。

日前，郭富城喺大陸接拍電影，其中有一場抱B戲竟然成為焦點，劇組將過程做成花絮，見到郭富城先抱起公仔，讓工作人員研究機擺位。

當正式埋位前郭富城更主動消毒雙手，做足防疫措施，而導演一聲令下，佢即時抱起小演員，幾秒落嚟BB舒服噉攤喺佢度，郭富城更自豪噉表示話：「我都有女嘅。」