最近娛樂圈喜事一件接一件，除咗順利生B榮升人母嘅女神們，仲有藝人姜麗文，呢排都被指戀情曝光，終于覓得如意郎君。
事后，姜麗文現身電視城錄影節目時都大方認愛，向大家開心公布戀情，佢甜蜜回應話：「系呀，拍咗兩年啦！男友叫Pakho，佢系一位工程師。（喺想終身大事？）有，不過女仔唔好畀對方壓力。系朋友介紹，我話要鐘意運動男生，第一次見面似足正式相睇，有啲尷尬！」
原來姜麗文較早前就同男友一同參加內地嘅綜藝節目，兩人不時喺節目中騷恩愛，甜蜜放閃，可謂系羨煞旁人啊。
佢話：「我哋上咗《女兒們的男朋友》，節目系講爸爸坐喺電視前睇我拍拖，而我拍拖會sweet嘅，要抱抱同錫錫。（唔怕爸爸秦沛呷醋？）或者佢內心有一啲嘅！不過佢都鐘意我男朋友，我都34歲喇，佢要接受啦！」
然而最尷尬嘅系，喺節目錄影期間，啱啱姜麗文嘅舊愛鄭俊弘經過，雖然系「一閃即過」，但期間嘅尷尬氣氛可想而知！
好彩同場嘅林盛斌圓場話：「佢系嚟揾我助手，但我有見佢同姜麗文打招呼，冇咩事！」
1986年生嘅姜麗文系香港唱作歌手，曾經系日本兒童節目主持嘅佢，返香港之后都出演過唔少嘅節目，比如《福祿壽大假光臨》、《星二代捱世界》等，除咗主持節目之外，姜麗文喺影視領域都有所涉及。 
比如《非常平等任務》、《童話戀曲201314》、《三面形醫》、《第二人生》、《新宿事件》、《紀念號》、《我要發達》等。
據悉，喺跟住落嚟嘅TVB新劇《廉政行動2019》同《街坊財爺》中姜麗文同樣有份出演，相信到時佢都會畀我哋帶嚟精彩嘅表演，大家不妨一齊拭目以待！
Like MisshkNews Facebook！不出门也能知天下事～
