舊年嘅臺慶劇《是咁的，法官閣下》可以講自播出以嚟回響不斷，劇中主要講述新扎律師嘅困難境況，更引起唔少觀眾嘅共鳴。而喺劇中飾演初哥律師嘅林秀怡，都憑借呢一個角色而大獲好評，人氣急升。
不過，正所謂“人紅是非多”，林秀怡嘅感情狀況都開始備受關心，隨后更畀港媒爆出與導演男友低調拍拖。事后，佢喺接受訪問時就大方認愛，佢話：“嗰個咪就系我而家嘅男朋友囖，佢之前做PA，最近已經升咗做導演，可能因為咁令人誤會系兩個人嚟。”
談及男朋友嘅時候，林秀怡更加系贊不絕口，佢話：“我哋系拍嘢時識嘅，專一工作嘅男朋友特別吸引，果時覺得佢個樣好型。佢好細心，好文靜又純品，系一個暖男嚟嘅，見我做到無時間，仲主動嚟幫我執屋，仲好多謝佢咁照顧我媽咪，我媽咪進出醫院都系佢幫手車出車入。”
眨眼間，兩個人都已經拍拖兩年幾嘅時間，一早視對方為結婚對象嘅佢哋，相處方法更偏向于“老夫老妻”嘅感覺。佢甜蜜笑話：“我哋拍拖嘅日子好平淡，我同佢都唔系好識得制造驚喜，平日都系行街、睇戲、食飯。” 
1991年生的林秀怡今年也都已經28歲，曾經為自己設定一個結婚年齡的她坦言曾計畫在30歲前出嫁，不過如今再次接受訪問時，她就表示可能要押後到35歲，原來早前因為母親生病花了一大筆錢，所以要再重新存錢，為結婚做準備。 
佢話：“佢（男友）好愛我，會將我擺喺第一位。我都feel到媽咪好鐘意佢。不過我都系體諒佢，都要畀時間佢存下錢，免得畀年齡制住自己。” 
因為自細就經歷父母離異，所以同阿媽相依為命嘅佢，為咗幫補家計，曾經做過侍應、收銀員又加入到TVB飾演嘅茄喱啡角色。不過通過喺每一部劇中積累經驗，林秀怡演技都越嚟越進步，更加憑借喺《怒火街頭2》中飾演未婚大肚嘅“胡智穎”一角而備受關注。
佢話：“喺學校我系活躍分子，一直有參加戲劇學會、合唱團，總之坐唔定嘅活動都啱我，雖然做藝人收入唔穩定，都有氣餒過，但個諗法最多一個鐘，其實可以將自己嘅興趣變成工作，我覺得好幸福。”
唔理點樣，希望林秀怡同男朋友可以早日傳出好消息喇～期待佢喺跟住落嚟嘅新劇《婚姻合伙人》同《十二傳說》中嘅精彩演出，加油！ 
Like MisshkNews Facebook！不出门也能知天下事～
