好多TVB藝人陸續離巢到內地發展，最近喺《機動部隊2019》嘅其中一個演員張達倫已經同TVB轉換合作方式，唔再做TVB嘅「親生仔」！
畀問到會唔會減少喺TVB演出機會，張達倫指公司待遇一向都唔錯，自己都有拍攝唔同劇集，例如《黃金有罪》、《大醬園》、《大帥哥》等。 
佢都表示為咗挑戰更多元化演出同角色，接觸唔同制作單位，都想探索究竟自己喺角色層面上可以行得幾遠，所以決定到內地發展。
張達倫透露現時要打入內地市場絕對唔易，可唔可以入到內地嘅圈子亦系另一事，更因此不停碰釘，佢喺過去一年所做嘅就系為咗未來鋪路。
既然下定決心要到大陸闖，張達倫為自己定落咗乜目標？
佢都都不猶豫話：「錢！」。講到底，都系為咗讓家庭更安穩，令仔仔能夠擁有更好嘅成長環境：「當你有更多唔同嘅機會，相信金錢就會嚟，市場大啲，演出機會多啲，自然就會有唔同。」
話雖如此，要跨出呢一步好冒險，亦需要好大勇氣，張達倫除咗得咗太太嘅支持，仲要多謝張衛健。
佢回憶起喺2017年拍攝《大帥哥》期間，張衛健講咗一句話，令佢有所啟發：「佢講，成功嘅人要踩住鋼線去行，你先會試到一啲唔同嘅嘢，先會試到D人做唔到嘅嘢，永遠喺Comfort Zone里面，永遠都系做前人所做嘅事，如果你唔突破自己嘅話，無用嘅。」
Like MisshkNews Facebook！不出门也能知天下事～
