周星馳深陷財困，向銀行抵押天價豪宅救命

受疫情影響，今年電影業近乎停擺，行內人士真係手停口停，電影業更加步入寒冬時期，較早時基層電影工作者每人獲演藝人協會發放9000蚊資助金，所有人都好感謝會長古天樂。

呢排，有消息指周星馳「星爺」深陷財困，佢畀發現將山頂超級豪宅「天比高」向銀行抵押天價豪宅救命。

2004年周星馳同菱電集團合作以3.2億元購入「天比高」山頂地皮，并向政府申請更改門牌號碼，重建成四幢獨立洋房，而呢四座洋房仲可以睇到維港無敵大海景，不過其中三間大屋分別就喺2009年以及2011年轉售，合共獲利14.5億元。

呢幾年嚟，周星馳一直保留普樂道12號自用，面積高達5711方呎，曾經試過有買家出價11億購買，但星爺堅決唔賣。

早喺2011年，周星馳透過滙豐銀行承按普樂道12號，後尾喺2019年贖回。今年3月13日，星爺再次將大屋承按，令人猜測星爺同樣受到疫情影響，唯有向美國摩根大通銀行承按大屋救命。