今日，吳若希（Jinny）去商臺為新碟宣傳，佢講到要接受鄭裕玲（Do姐）訪問之後表示好期待：「Do姐喺我心目中係一個好有份量嘅人、係偶像，我覺得覺得佢好叻。」
吳若希又透露除咗自己，佢老公Alex亦視Do姐為偶像：「老公成日都好想我接受訪問，佢喺我面前講我都唔係最真實，要由其他人訪問先得，凈係知佢最叻話翻到屋企鞭打我。」
做完宣傳之後就開始放產假，吳若希坦言呢胎真係陀得好辛苦，而且呢排瞓得唔好，休息唔夠竟然覺得好暈，今朝都有打畀中醫師點樣去補充體力、減輕頭痛。
吳若希又指自己有份主持嘅節目亦要停工，需要交由其他人繼續主持：「節目會交畀其他姊妹做，自己暫時都冇嘢做，得閑開嚇Live咁，疫情之下損失都唔大嘅。」
Like MisshkNews Facebook！不出门也能知天下事～
