TVB新劇《食腦喪B》一度成為「倉底貨」，事關戲中飾演夫妻嘅黎振燁同前港姐朱智賢因為「抽離唔到角色」而發生感情，單嘢搞到滿城風雨。
事後朱智賢、黎振燁齊齊畀雪藏，不過呢排TVB決定本月尾將呢部劇安排喺MyTV Gold同MyTV Anywhere率先出街，只見朱智賢有得「留低」，黎振燁就繼續失蹤！
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
