歌手古巨基（基仔）舊年年尾榮升做老竇，而太太Lorraine生B後一直未有蒲頭，尋日適逢母親節，基仔喺社交平台曬出幸福全家照，古太更激罕現身，真係隔著屏幕都覺得好幸福。
基仔仲留言冧老婆：「做咗老竇，更加知道媽咪嘅偉大。今年係太太初為人母第一個母親節，多謝太太嘅一切，愿天下的兒女們們都孝順父母，祝各位媽咪母親節快樂❤」
唐詩詠祝母親節快樂同時，留言：「古太終於肯出鏡啦！」而阿Sa亦有留意到BB條眉話：「條眉好得意。」
古巨基同太太Lorraine於2014年當時喺美國拉斯維加斯注冊結婚，雖然太太Lorraine嘅年紀比古巨基仲要大三歲，但夫妻兩人結婚之后對于細路嘅渴望一直都冇停止過。
古巨基多次接受傳媒採訪時，畀記者問到幾時“造人”成功，古巨基幾乎次次都會笑住答：「恨B恨到發燒！」
而家太太以50歲高齡生落兩個人嘅愛情結晶，對于夫妻兩個人嚟講都來之不易，真係天賜禮物。
講到古巨基，大家應該對佢好熟悉，古巨基無論唱歌定演戲都相當好犀利，早年憑借《情深深雨蒙蒙》成功打入大陸市場，隨后一直喺香港、大陸發展演藝事業，知名度相當高。
入行多年，關於古巨基嘅緋聞基本係零緋聞，唯一關於佢感情八卦就係同佢現任太太Lorraine長達多年嘅愛情長跑。
講到古巨基嘅太太Lorraine，其實佢一直都比較神秘，據悉Lorraine中文名叫陳韻晴，從古巨基出道以嚟就一直以助理嘅身份陪喺古巨基身邊。
正所謂近水樓臺先得月，兩個人成日一齊共事，加埋性格互補，久而久之互相產生情愫，后來也慢慢發展成為咗戀人關係。
早年古巨基一直冇結婚嘅打算，但係有一次Lorraine因為騎單車發生意外，所以喺嗰一刻開始，古巨基先發現佢可能會失去對方，同時讓佢明咗佢對Lorraine愛得有幾深，於是古巨基下定決心將Lorraine娶返屋企！
missHk再次恭喜古巨基成功榮升做老竇，當然佢老婆Lorraine以50歲高齡成功分娩都係相當勇敢，最后希望古巨基嘅寶貝仔仔健康成長，都祝福佢哋一家三口平安幸福！
Like MisshkNews Facebook！不出门也能知天下事～
