日前，蘇慧恩就喺社交網上載咗一張情侶飾物嘅相，同時仲提到音樂人男友Edward，兼夾甜蜜留言寫道：“Thank you baby！……I love you！”該文一出，大家都以為佢哋要公布婚訊，唔少網民都紛紛留言恭喜。
不過……原來系擺烏龍，蘇慧恩喺接受訪問時就表示今次系無意誤導咗大家，感到好意外，佢話：”畀人誤會我同佢結婚，連我家人都以為系，唔知點收科好。”哈哈，相信都系兩人感情穩定甜蜜，大家先會咁心急喇～ 
情侶飾物驟眼一看以為是情侶戒指，不過原來是情侶手鐲，兩人交往兩年多，一直都甜蜜示人，至於是否有結婚大計，蘇慧恩就笑說：“他比我小，28歲而已……比我小四年，他應該沒這麼快想結婚啦，要努力賺下錢先。他做音樂好成熟，但好多時我要經常將就他，他有藝術家脾氣。” 
咁講到蘇慧恩，1986年生嘅佢曾喺澳洲昆士蘭大學工商管理系畢業，喺2009年嘅時候，曾經參加咗TVB嘅歌唱比賽《超級巨聲》，不過因為未能入圍，隨后再戰2011年嘅香港小姐，可惜都系止步于20強。 
好似對選美情有獨鐘嘅佢，喺2012年嘅時候參加咗工展小姐嘅選舉，仲一舉奪得咗冠軍嘅寶座，隨后又參加“大閘蟹小姐競選”，最后同樣以大熱嘅姿態當選。
曾經喺亞視做過節目同報道娛樂新聞嘅佢，之后就又轉投樂壇發展，更加系喺工作中識咗現任男友Edward，男方系TVB《流行經典50年》嘅band leader，愛得甜蜜嘅佢，重獲得男友為佢創作嘅歌曲《小街燈》，同時Edward又擔任蘇慧恩嘅處女演唱會音樂總監。唔理點，都系希望佢哋可以早日傳出好消息，期待！
Like MisshkNews Facebook！不出门也能知天下事～
