前港姐兼無線娛樂部主播蘇可欣（Eunice）較早時同駱胤鳴與及麥美恩等飛去泰國旅行，話今次系去參加潑水節，佢話：「以前做空姐成日會飛去泰國，但參加潑水節都系第一次。」，講到玩潑水節，梗系要做足準備，Eunice最難忘系同麥美恩一人一支水槍同人「搏斗」。
佢話：「我哋好似沖鋒陷陣噉入去戰場度，但系其實我哋未入到去，喺街上已經畀人一盤水淋濕喇。入到去戰場唔使五分鐘，妝都已經溶，去食飯嗰陣，我仲濕到要問店家有冇膠袋墊住坐，因為我唔想坐濕人哋嘅凳。」
除咗蒲，Eunice此行仲食咗唔少嘢食，蕉朱古力薄罉更加系次次Eunice去泰國使食啲嘢食之一，佢話：「我今次去咗五日，我自己一個人食咗十個薄罉，應該都肥咗幾磅返嚟，翻到香港要狂做運動，但其實我去旅行前已經做咗運動打定個底，希望可以唔使肥咁多。」
Like MisshkNews Facebook！不出门也能知天下事～
